Ke zindagi teri zulfoon ki naram chaoon mein
Guzar paati to shadaab ho bhi sakti thi
Yeh tairgi jo meri zeest ka muqaddar hai
Teri nazar ki shuaoon mein kho bhi sakti thi

Ajab na tha ke mein begana alam reh ker
Tere jamal ki ranayoon mein kho rehta
Tera gudaaz badan, teri neem baaz ankhein
Inhein haseen fasanoon mein mahev ho rehta

Pukartein muje jab talkhiaan zamane ki
Tere laboon se halawat ke khoont pee leta
Hayaat cheekhti phirti barhana sir aor mein
Ghanairi zulfoon ke sai mein chup ke jee leta

Magar yeh ho na saka ao rab yeh alam hai
Ke tu nahi, tera gum, teri justaju bhi nahi
Guzar rahi hai kuch is tara se zindagi jaise
Ise kisi ke sahare ki aarzoo bhi nahi

Zamane bhar ke dukhoon ko laga chuka hoon gale
Guzar raha hoon kuch anjaani rahguzaroon se
Muheeb saaye meri simt bharte chale aate hein
Hayat-o-mot ke per hool khar zaroon per

Na koi jada, na manzil, na roshni ka surag
Bhatak rahi hai khalaoon mein zindagi meri
Inhi khalaoon mein rah jaoon ga kabhi kho ker
Mein janta hoon meri hum nafas magar yunhi

Kabhi Kabhi mere dil mein khayal aata hai
(Sahir Ludhyanwi)

کبھی کبھی مرے دل میں‌یہ خیال آتا ہے

کہ زندگی تری زلفوں کی نرم چھاؤں میں
گزرنے پاتی تو شاداب ہو بھی سکتی تھی
یہ تیرگی جو مری زیست کا مقدر ہے
تری نظر کی شعاعوں میں کھو بھی سکتی تھی

عجب نہ تھا کہ میں بیگانہ الم رہ کر
ترے جمال کی رعنائیوں میں‌کھو رہتا
ترا گداز بدن، تیری نیم باز آنکھیں
انہی حسین فسانوں‌ میں‌ محو ہو رہتا

پکارتیں مجھے جب تلخیاں زمانے کی
ترے لبوں‌سے حلاوت کے گھونٹ پی لیتا
حیات چیختی پھرتی برہنہ سر اور میں
گھنیری زلفوں‌کے سائے میں چھپ کے جی لیتا

مگر یہ ہو نہ سکا اور اب یہ عالم ہے
کہ تو نہیں، ترا غم، تیری جستجو بھی نہیں
گزر رہی ہے کچھ اس طرح زندگی جیسے
اسے کسی کے سہارے کی آرزو بھی نہیں

زمانے بھر کے دکھوں‌ کو لگا چکا ہوں‌گلے
گزر رہا ہوں کچھ انجانی راہگزاروں سے
مہیب سائے مری سمت بڑھتے چلے آتے ہیں
حیات و موت کے پر ہول خارزاروں سے

نہ کوئی جادہ، نہ منزل، نہ روشنی کا سراغ
بھٹک رہی ہے خلاؤں میں زندگی میری
انہی خلاؤں میں‌رہ جاؤں گا کبھی کھو کر
میں جانتا ہوں‌مری ہم نفس مگر یونہی

کبھی کبھی مرے دل میں‌ خیال آتا ہے
(ساحر لدھیانوی)