Aag per jab Kagaz rakha, Baqi bacha Kuch b nahi
Published by Prince on Tagged PoetrySocha nahi acha Bura, Dekha Suna kuch b nahi
Manga Khuda se her Waqt, Tere siwa Kuch b nahi
Dekha Tujhe Chaha tujhe, Socha Tujhe Pooja Tujhe
Meri Wafa Meri Khata, Teri Khata kuch b nahi
Jis per Hamari Aankh ne, Moti bichaye Raat bhar
Bheja wohi Kagaz usey, Hum ne likha Kuch b nahi
Aur Ek Shaam ki Dehleez per, Bethey rahe wo Dair tak
Aankhon se ki Batain boht, Munh se kaha kuch b nahi
Do-Chaar din ki Baat hai, Dil Khaak mai mil jaye ga
Aag per jab Kagaz rakha, Baqi bacha Kuch b nahi
Mohabbat Hamsafar Meri
Published by Prince on Tagged PoetryWohi Be’Simt Sa Rasta, Mohabbat Hamsafar Meri
Sarabon Ka Wohi Dhoka, Mohabbat Hamsafar Meri
Ghubaar-e-Raah Bhi Kuch Duur Tak He Sath Cahlta Hai
Wohi Ek Main, Wohi Tanha Mohabbat Hamsafar Meri
Ye Lamhon Ki Nahi Hai Ye To Sadyon Ki Musaafat Hai
Kisi Ki Yaad Ka Sehra Mohabbat Hamsafar Meri
Koi Kashti Nahi Hai Jo Humain Uss Paar Le Jaye
Bhanwar, Biphra Hua Darya, Mohabbat Hamsafar Meri
Wohi Her Waqt Sochon Per Kisi Ki Yaad Ka Pehra
Wohi Din Raat Ka Jalna Mohabbat Hamsafar Meri
Yahan Had-e-Nazar Tak Bus Andheray He Anheray Hain
Na Wo Jugno, Na Wo Taara, Mohabbat Hamsafar Meri
Ghazal-e-shauq ki vehshat ajab thi
Published by Prince on Tagged PoetryGhazal-e-shauq ki vehshat ajab thi
Kisi khush-chashm se nisbat ajab thi
Hujoom-e-chashm-o-rukhsaar-o-dehen mein
Jo tanha kar gayi soorat ajab thi
Wo tardeed-e-wafa to kar raha tha
Magar us shaqs ki haalat ajab thi
Meri taqdeer ki nairangiyon mein
Meri tadbeer ki shirqat ajab thi
Sar-e-maqtal kisi ke pairhan mein
Gulaabi rang ki hid’dat ajab thi
Badan ka pehle pehle aag chakhna
Rag-o-pai mein koi lazzat ajab thi
Maujein baham huyien to kinaara nahin raha
Published by Prince on Tagged PoetryMaujein baham huyien to kinaara nahin raha
Aankhon mein koi khwaab dobaara nahin raha
Ghar bach gaya ke door the kuchh saayik mijaaz
Kuch aasmaan ka bhi ishaara nahin raha
Bhoola hai kaun aid lagaakar hayaat ko
Rukna hi rakhsh-e-jaan ko gawaara nahin raha
Jab tak woh benishaan raha, dastras tha
Khushnuma ho gaya to hamaara nahin raha
Gumgashta-e-safar ko jab apni khabar mili
Rasta dikhaane waala sitaara nahin raha
Kaisi ghadi mein tarq-e-safar ka khayaal hai
Jab ham mein laut aane ka yaara nahin raha
Tooti hai meri neend magar tumko is se kya
Published by Prince on Tagged PoetryTooti hai meri neend magar tumko is se kya
Bajte rahein hawaaon se dar tumko is se kya
Tum mauj mauj misl-e-saba ghoomte phiro
Kat jaayein meri soch ke paar, tumko is se kya
Auson ke haath thaamo, umhein raasta dikhaao
Main bhool jaaun apna hi ghar, tumko is se kya
Abr-e-gurez-pa ko barasne se kya garaz
Seep mein ban paaye guhar, tumko is se kya
Tumne to thak ke dasht mein kheme laga liye
Tanha kate kisi ka safar, tumko is se kya
Bichhda hai ek baar to milte nahin dekha
Published by Prince on Tagged PoetryBichhda hai ek baar to milte nahin dekha
Is zakhm ko hamne kabhi silte nahin dekha
Ik baar jise chaat gayi dhoop ki khwaahish
Phir shaakh pe us phool ko khilte nahin dekha
Yakhlakht gira hai to jadein nikal aayien
Jis ped ko aandhi mein bhi hilte nahin dekha
Kaanton mein ghire phool ko choom aayegi lekin
Titli ke paron ko kabhi chhilte nahin dekha
Kis tarah meri rooh har kar gaya aakhir
Woh zeher jise jism mein khilte nahin dekha
Ik diya bujh hi gaya hoga sar-e-taak-e-ummeed
Published by Prince on Tagged PoetryIk diya bujh hi gaya hoga sar-e-taak-e-ummeed
Warna paighaam hawaaon ko idhar kya laana
Sheher mein saanp jab insaanon se zaahid ho jaayein
Pesh-e-aayina koi zehen mein dar kya lagna
Itni muhlat hai ki main mashq mein paani bhar lun ?
Faasla kam ho to phir zaad-e-safar kya laana
Bujh gayi aankh to pairhan-e-tar kya laaye
Published by Prince on Tagged PoetryBujh gayi aankh to pairhan-e-tar kya laaye
Chaah se ab mere yusuf ki khabar kya laaye
Jab musafir ka iraada hi bhatakne ka hua
Ik charaagh aur sar-e-rehguzar kya laaye
Raat ham khaanakhraabon ka bhram rakh leti
Raushni rehte mein mehmaan ko ghar kya laaye
Shabguzaaron ! Woh sitaara to mera doob chuka
Ab dam-e-subah duaon mein asar kya laaye
Ek suraj tha ki taaron ke gharaane se uttha
Published by Prince on Tagged PoetryEk suraj tha ki taaron ke gharaane se uttha
Aankh hairaan hai, kya shaqs zamaane se uttha
Kis se poochun tere aaka ka pata aye rehvaar
Yeh aalam woh hai na ab tak kisi shaane se uttha
Halka-e-khwaab ko hi gird-e-goolu kar daala
Dasr-e-qaatil ka bhi ehsaan na deewaane se uttha
Phir koi aks shuaaon se na ban ne paaya
Kaisa mehtaab mere aayinakhaane se uttha
Kya likha tha sar-e-mehzar, jise pehchaante hi
Paas baitha hua har dost bahaane se uttha
Aaj tak sheher ka chehra na ghulne paaya
Gard ka kaisa bagola tere jaane se uttha
Zindagi mein yeh badan shola-e-jawwala tha
Mauja-e-sard ! Meri raakh thikaane se uttha
Dhaal ab waqt ke haathon mein hai aye teerandaz
Rakh de ik sant kamaan, haath nishaane se uttha
Dil teri chashm-e-mudarat se bait tha phir
Kis tarah bazm mein auron ke utthane se uttha
Dood-e-yaq-seena-e-sozaan se bhala kya darna
Woh dhuan dekh jo sholon ke bujhaane se uttha
Dil dukha hai to khuli hai mere vizdaan ki aankh
Ik shigoofa tha ke shabnam ke jaagne se uttha
Saunp de apna hunar unko ki jinka haq hai
Waqt aaya hai ke ab saanp khazaane se uttha
Ghar ki yaad bhi hai aur darpesh safar bhi hai
Published by Prince on Tagged PoetryGhar ki yaad bhi hai aur darpesh safar bhi hai
Chauthi samt nikal jaane ka dar bhi hai
Lamha-e-rukhsat ke goonge sannate ki
Ek gawaah to uski chashm-e-tar bhi hai
Ishq ko khud daryuzgari manzoor nahin
Maangne par aaye to qasa-e-sar bhi hai
Naye safar pe chalte huye yeh dhyan rahe
Raste mein deewaar se pehle dar bhi hai
Jin cheezon ko hara rehne ki dua thi
Un mein aaj se shaamil zakhm-e-hunar bhi hai
Bahut se naamon ko apne seene mein chhupaaye
Jali huyi basti mein ek shajar bhi hai
Wahi khayaal ke aankhon tak reh jaaye to ashq
Misra-e-tar ban jaaye to silk-e-guhar bhi hai
Sookh gaya khud apne dil ki name se
Ped ko kya maloom tha, bel amar bhi hai
Subscribe to our RSS feeds!
