Goals & Abilities

Published by Prince on Tagged Quotations

Do not lower your GOALS to the level of your ABILITIES. Instead raise your ABILITIES to the height of your GOALS!

Comment now » Read more January 16th, 2012

mummy ke chappal

Published by Prince on Tagged Jokes

kaise mumkin tha kisi aur doctor se elaaj karna..?
ae dost…
ishq ka rog tha, mummy ke chappal se hi aram aaya.

Comment now » Read more January 15th, 2012

Baat karanii mujhe mushkil kabhii aisii to na thii

Published by Prince on Tagged Poetry

Baat karanii mujhe mushkil kabhii aisii to na thii
Jaisii ab hai terii mahafil kabhii aisii to na thii

Le gayaa chhiin ke kaun aaj teraa sabr-o-qarar
Beqaraarii tujhe ai dil kabhii aisii to na thii

Chashm-e-qaatil merii dushman thii hameshaa lekin
Jaise ab ho ga_ii qaatil kabhii aisii to na thii

Un kii aa.Nkho.n ne Khudaa jaane kiyaa kyaa jaaduu
Ke tabiiyat merii maa_il kabhii aisii to na thii

Aks-e-ruKh-e-yaar ne kis se hai tujhe chamakaayaa
Taab tujh me.n maah-e-kaamil kabhii aisii to na thii

Kyaa sabab tuu jo biga.Dataa hai “Zafar” se har baar
Khuu terii huur-e-shamaa_il kabhii aisii to na thii

Comment now » Read more January 15th, 2012

Bazm-e-tarab sajana gar mere bas me hota

Published by Prince on Tagged Poetry

Apna use banana gar mere bas me hota
Lout ata lout aana gar mere bas me hota

Ankhon me unki jata surat badal badal kar
Khawabon me aana jana gar mere bas me hota

Chahere ko muskrahat se mai sajaye rakhta hoon
Aye yaar muskrana gar mere bas me hota

Duniya se qatam karke rakh deta ranj o gham ko
Bazm-e-tarab sajana gar mere bas me hota

Qadmon me unke lakar taare bekhair deta
Taaron ko tod lana gar mere bas me hota

Lata na naam bhi mai us bewafa ka lab per
Shah-e-zad ko bhulana gar mere bas me hota…

Comment now » Read more January 9th, 2012

Aag per jab Kagaz rakha, Baqi bacha Kuch b nahi

Published by Prince on Tagged Poetry

Socha nahi acha Bura, Dekha Suna kuch b nahi
Manga Khuda se her Waqt, Tere siwa Kuch b nahi

Dekha Tujhe Chaha tujhe, Socha Tujhe Pooja Tujhe
Meri Wafa Meri Khata, Teri Khata kuch b nahi

Jis per Hamari Aankh ne, Moti bichaye Raat bhar
Bheja wohi Kagaz usey, Hum ne likha Kuch b nahi

Aur Ek Shaam ki Dehleez per, Bethey rahe wo Dair tak
Aankhon se ki Batain boht, Munh se kaha kuch b nahi

Do-Chaar din ki Baat hai, Dil Khaak mai mil jaye ga
Aag per jab Kagaz rakha, Baqi bacha Kuch b nahi

Comment now » Read more January 8th, 2012

Mohabbat Hamsafar Meri

Published by Prince on Tagged Poetry

Wohi Be’Simt Sa Rasta, Mohabbat Hamsafar Meri
Sarabon Ka Wohi Dhoka, Mohabbat Hamsafar Meri

Ghubaar-e-Raah Bhi Kuch Duur Tak He Sath Cahlta Hai
Wohi Ek Main, Wohi Tanha Mohabbat Hamsafar Meri

Ye Lamhon Ki Nahi Hai Ye To Sadyon Ki Musaafat Hai
Kisi Ki Yaad Ka Sehra Mohabbat Hamsafar Meri

Koi Kashti Nahi Hai Jo Humain Uss Paar Le Jaye
Bhanwar, Biphra Hua Darya, Mohabbat Hamsafar Meri

Wohi Her Waqt Sochon Per Kisi Ki Yaad Ka Pehra
Wohi Din Raat Ka Jalna Mohabbat Hamsafar Meri

Yahan Had-e-Nazar Tak Bus Andheray He Anheray Hain
Na Wo Jugno, Na Wo Taara, Mohabbat Hamsafar Meri

Comment now » Read more January 7th, 2012

Ghazal-e-shauq ki vehshat ajab thi

Published by Prince on Tagged Poetry

Ghazal-e-shauq ki vehshat ajab thi
Kisi khush-chashm se nisbat ajab thi

Hujoom-e-chashm-o-rukhsaar-o-dehen mein
Jo tanha kar gayi soorat ajab thi

Wo tardeed-e-wafa to kar raha tha
Magar us shaqs ki haalat ajab thi

Meri taqdeer ki nairangiyon mein
Meri tadbeer ki shirqat ajab thi

Sar-e-maqtal kisi ke pairhan mein
Gulaabi rang ki hid’dat ajab thi

Badan ka pehle pehle aag chakhna
Rag-o-pai mein koi lazzat ajab thi

Comment now » Read more January 2nd, 2012

Maujein baham huyien to kinaara nahin raha

Published by Prince on Tagged Poetry

Maujein baham huyien to kinaara nahin raha
Aankhon mein koi khwaab dobaara nahin raha

Ghar bach gaya ke door the kuchh saayik mijaaz
Kuch aasmaan ka bhi ishaara nahin raha

Bhoola hai kaun aid lagaakar hayaat ko
Rukna hi rakhsh-e-jaan ko gawaara nahin raha

Jab tak woh benishaan raha, dastras tha
Khushnuma ho gaya to hamaara nahin raha

Gumgashta-e-safar ko jab apni khabar mili
Rasta dikhaane waala sitaara nahin raha

Kaisi ghadi mein tarq-e-safar ka khayaal hai
Jab ham mein laut aane ka yaara nahin raha

Comment now » Read more January 1st, 2012

Tooti hai meri neend magar tumko is se kya

Published by Prince on Tagged Poetry

Tooti hai meri neend magar tumko is se kya
Bajte rahein hawaaon se dar tumko is se kya

Tum mauj mauj misl-e-saba ghoomte phiro
Kat jaayein meri soch ke paar, tumko is se kya

Auson ke haath thaamo, umhein raasta dikhaao
Main bhool jaaun apna hi ghar, tumko is se kya

Abr-e-gurez-pa ko barasne se kya garaz
Seep mein ban paaye guhar, tumko is se kya

Tumne to thak ke dasht mein kheme laga liye
Tanha kate kisi ka safar, tumko is se kya

Comment now » Read more December 31st, 2011

Bichhda hai ek baar to milte nahin dekha

Published by Prince on Tagged Poetry

Bichhda hai ek baar to milte nahin dekha
Is zakhm ko hamne kabhi silte nahin dekha

Ik baar jise chaat gayi dhoop ki khwaahish
Phir shaakh pe us phool ko khilte nahin dekha

Yakhlakht gira hai to jadein nikal aayien
Jis ped ko aandhi mein bhi hilte nahin dekha

Kaanton mein ghire phool ko choom aayegi lekin
Titli ke paron ko kabhi chhilte nahin dekha

Kis tarah meri rooh har kar gaya aakhir
Woh zeher jise jism mein khilte nahin dekha

Comment now » Read more December 30th, 2011

Subscribe to our RSS feeds!