Taaluk jin se ho gehra un pe baat aaya hi karti hai

Published by Prince on Tagged Poetry

Yeh zehmat bhi toh rafta rafta rehmat ho hi jati hai,
Musalsal gham se gham sehnay ki adat ho hi jati hai,

Maseeha ho agar tumse to zarurat kiya hai marham ki,
K kaanton se bhi zakhmon ki jarahat ho hi jati hai,

Taaluk jin se ho gehra un pe baat aaya hi karti hai,
Muhabbat jinse ho un se shikayat ho hi jati hai,

Yeh zaruri to nahi k sooraj sawa naze par aajaye,
Badal jaye jab koi to qayamat ho hi jati hai……!!!

October 5th, 2011




One Response to “Taaluk jin se ho gehra un pe baat aaya hi karti hai”

  1. Sarah Says:
    December 14th, 2011 at 10:08 am

    Jise aks aks ganwa diya
    Kabhi ru-bro thi mere liye
    Jise naksh naksh bhuja diya
    Bahi char-soo thi mere liye
    Jo had-e-hawa se bhi door hai
    Kabhi koo-bakoo thi mere liye
    Jo tapish hai moj-e-sarab ki
    kabhi aa-bajoo thi mere liye
    jise “aap” likhta hoon khat mein ab
    Kabhi sir “too” thi mere liye!

Leave a Comment