Mujhay tum yaad kertay ho — Tumhain main yaad aati hoon
Published by Prince on Tagged PoetryAjab Pagal C lerki hai
Mujhay her khat main likhti hai.
Mujhay tum yaad kertay ho
Tumhain main yaad aati hooN
Mairi baatain sata-ti hain
Mairi Neendain jagati hain
Mairi aankhain rulaati hain
December ke Sonhari dhoop mein ab bhi Teheltay ho
Kisi khamosh rastay se
Koi awaaz aati hai.
TheTharti Sard RaatoN mein
Tum ab bhi Chatt pe jaatay ho
Falak k sab SitarooN ko
Mairi Baatain Sunatay huo
KitabooN se tumharay Ishq mein koi Kammi aaie
Yah Mere Yaad ke shiddat se aankhoN mein Nammi aaie
Ajab pagal c lerki hai
Mujhay her khat main likhti hai
OUR Jawaban Uss ko likhta houn
Mere Masroofiyat daikho
Subah se shaam office mein
Chirag -e- Umer jalta hai.
Phir uss k baad duniya ke
Kae Majbooriyan paooN main bairi daal rakhti hain.
Mujhay bayfikr, Chahat se bharay Sapnay Nahin dikhtay
T’ehlnay, Jagnay, Ronay ke mohlat he Nahin milti
sitarooN se millay Arsa huoa … Naraz houn Shayad
Kitaboon se
Shagaff Mera abhi Waisay he Qaim hai
Ferq itna Para hai Ab
Unahin arsay mein Perhta houn
Tumhain kis ne kaha Paglie
Tumhain Main yaad kerta houn
K Main khud ko bhulanay ke Musalsal Justajoo mein houn
Tumhain na yaad aanay kee musalsal justajoo mein houn
Mager yeh Justajoo Mere bohat Nakaam rehti hai
Mairay Din Raat mein ab bhi
Tumhari Shaam rehti hai
Mairay lafzoon ki Her Maala
Tumharay Naam rehti hai
Tumhain kis ne kaha pagli.
Tumhain main Yaad kerta houn
Poorani baat hai jo logg Akser Gungunatay hain
Unhain hum Yaad kertay hain
Jinahin Hum Bhool jaatay hain
Ajab pagal C lerki huo !!!
Mairi Masroofiyat daikhoo
Tumhain Dil se bhulaoon tuO
Tumhari yaad aay Na
Tumhain dil se Bulanay ke Mujhay Fursat Nahin milti
Aur iss masroof jeewan main.
Tumahray khat ka ik jumla.
Tumhain main yaad aati houn
Mairi chahat ki shiddat mein
Kami honay nahin daita
Bohat Raatain jaagata hai
Mujhay Soonay nahin daita
So Aagli baar Apnay khat mein
Yeh Jumla nahin likhna
Ajab pagal c lerki hai
Mujhay phir bhe yeh likhti hai
Mujhay Tum Yaad Kertay Ho
Tumhain Main Yaad Aati Ho
Subscribe to our RSS feeds!
Leave a Comment