Ye bhii kyaa shaam-e-mulaaqaat aaii

Published by Prince on Tagged Poetry

Ye bhii kyaa shaam-e-mulaaqaat aa_ii
Lab pe mushkil se terii baat aa_ii

Subah se chup hain tere hijr nasiib
Haaye kyaa hogaa agar raat aa_ii

BastiyaaN chhoD ke barase baadal
Kis qayaamat kii ye barasaat aa_ii

Ko_ii jab mil ke huaa thaa ruKhsat
Dil-e-betaab vahii raat aa_ii

Saayaa-e-zulf-e-butaa.N mein ‘Nasir’
Ek se ek na_ii raat aa_ii

Leave a Comment