Dosto tark-e-muhabbat kii nasiihat hai fazuul

Published by Prince on Tagged Poetry

Phir bhi hai tum’ko masihaai ka daawaa dekho
Mujh ko dekho, mere maranay ki tamannaa dekho

Jurm-e-nazzaaraa pe kon itanii Khushaamad karataa
Ab wo rothay hain lo aur tamaashaa dekho

Ham na kahate the banaawat say hai saaraa Gussaa
Hans kay lo phir wo unhon ne hamen dekhaa dekho

Mastii-e-husn se apani bhi nahi tum ko Khabar
Kya suno araz merii, haal meraa kyaa dekho

Ghar se har vaqy nikal aate ho khole hoye baal
Shaam dekho na meri jaan saveraa dekho

Khaanaa-e-jaan mein namudaar hai ek paikar-e-noor
Hasarato aao rukh-e-yaar kaa jalvaa dekho

Saamane sab ke munaasib nahi ham par ye itaab
Sar say dhal jaaye na Gusse mein dupat’ta dekho

Mar mitay ham to kabhii yaad bhi tum ne na kiyaa
Ab muhabbat kaa na karanaa kabhii daavaa dekho

Dosto tark-e-muhabbat kii nasiihat hai fazuul
Aur na maano to dil-e-zaar ko samajhaa dekho

Sar kahin baal kahin haath kahin paa’on kahin
Us kaa sonaa bhii hai kis shaan kaa sonaa dekho

Ab vo shokhii say ye kahate hain sitamagar jo hain ham
Dil kisii aur se kuchh roz bahalaa dekho

Havas-e-diid miti hai na mitegii “Hasrat”
Dekhane ke liye chaaho unhen jitanaa dekho

All Nice Stuff