Jahan bi gaye dastaan chor aaye

Published by Prince on Tagged Poetry

Mohabbat ki rangeenian chor aaye
Tere shehar main ik jahan chor aaye

Pahaaron ki wo mast-o-shadaab wadi
Jahan hum dil-e-naghma’ khawan chor aaye

Wo sabza, wo darya, wo pairon k saye
Wo geeton bhari bastiaan chor aaye

Haseen Panghaton ka wo chandi sa panii
Wo Berkha ki rut wo samaan chor aaye

Bohat se milay humsafar rastay main
Nahi yaad kis ko kahan chor aaye

Bohat dur hum aa gaye us gali sey
Bohat dur wo astaan chor aaye

Bohat mehrbaan thiin wo gul-posh rahain
Magar hum unhain mehrbaan chor aaye

Bhagolon ki surat yahan phir rahay hain
Nasheeman sar-e-gulistaan chor aaye

Ye Aijaz Hai husn-e-awaargi ka
Jahan bi gaye dastaan chor aaye

Chalay aaye un rahguzaaron sey Jalib
Magar Hum wahan qalb-o-Jaan Chor aaye

All Nice Stuff