Ek ham hii nahiin duniyaa se Khafaa aur bhii hain

Published by Prince on Tagged Poetry

ahl-e-dil aur bhii hain ahal-e-vafaa aur bhii hain
ek ham hii nahiin duniyaa se Khafaa aur bhii hain

kya hua gar mere yaaron kii zabaanen chup hain
mere shaahid mere yaaron ke sivaa aur bhii hain

ham pe hii Khatm nahiin maslak-e-shoriidaa sarii
chaak-e-dil aur bhii hai chaak-e-qabaa aur bhii hain

sar salaamat hai to kyaa sang-e-malaamat kii kamii
jaan baaqii hai to paikaan-e-qazaa aur bhii hain

munsif-e-shahar kii vahadat pe na harf aa jaaye
log kahate hain ke ar’baab-e-jafaa aur bhii hain

Leave a Comment