Pyaas wo dil ki bujhane kabhi aaya b nahi

Published by Prince on Tagged Poetry

Pyaas wo dil ki bujhane kabhi aaya b nahi
Kaisa baadal hai jiska koi saaya b nahi

BeruKhi is se bari aur bhalaa kya hogi
Ek muddat se hamen ussne sataya b nahi

Roz aata hai dar-e-dil pe wo dastak dene
Aaj tak humne jise paas bulayaa b nahi

Sun liya kaise Khudaa Jaane,`zamaane bhar ne
Wo fasana jo kabhii humane sunaya b nahi

Tum to shaayar ho Qateel aur wo ik aam saa shaKhs
Oos ne chaaha bhi tujhe aur jatayaa b nahi.

Leave a Comment