Ranjish hi sahi dil hi dukhane ke liye aa
Aa phir se mujhe chor ke jaane ke liye aa
Pahale se maraasim na sahi phir bhi kabhi tou
Rasm-o-rah duniya hi nibhane ke liye aa
Kis kis ko batayenge judaai ka sabab ham
Too mujhse khafaa hai tou zamaane ke liye aa
Kuch tou mere pindaar-e-mohabbat ka bharam rakh
Too bhi to kabhi mujh ko manaane ke liye aa
Ek umr se hoon lazzat-e-giriyaa se bhi maharuum
Aye raahat-e-jaan mujh ko rulaane ke liye aa
Ab tak dil-e-khushfeham ko tujh se hain ummiden
Yeh aakhari shamein bhi bujhaane ke liye aa
Tags: Ahmed Fraz
[...] Ranjish hi sahi dil hi dukhane ke liye aa Aa phir se muje chor ke jane ke liye aa [...]
This is a good “Gazal” which reminds very beautiful past days….
Most nice and meaningful sentence is “Kis kis ko batayenge judaai ka sabab ham, Too mujhse khafaa hai tou zamaane ke liye aa”
Veru beautiful Gazal