Jul

Suna hai log oos ko ankh bhar ker dekhtay hain

Suna hai log oos ko ankh bhar ker dekhtay hain
So ooskey shehar main kuch din thehr ker dekhtay hain

Suna hai Rabt hai oos ko kharab haloon se
So apne app ko barbaad ker ke dekhte hein

Suna hai dar ki gahak hai chashm-e-nazak oos ki
So hum bhi oos ki gali se guzar ke dekhte hein

Suna hai Is ko bhi hai shair-o-shaire se shaghaf
So hum bhi moajzey apney huner k dekhtay hain

Suna hai boley to batoon se phool Jhertey hain
Yeh baat hai to Chalo baat kar k dekhtey hain

Suna hai raat usey chand takta rehta hai
Sitarey bam-o-Falak se uter ker dekhtay hain

Suna hai hasher hein oos ki ghazal si ankhein
Suna hai oos ko hiran dasht bhar ke dekhte hein

Suna hai din ko titliyan usey satati hain
Suna hai raat ko Jugnu thehr k dekhtey hain

Suna hai raat se barh ker hein gaglein oos ki
Suna hai sham ko saai guzar k dekhte hain

Suna hai ke siyaah chashmaghi qayamat hai
So oo ko surma farosh aankh bhar ke dekhte hein

Suna hai Is k Labon se gulaab jaltey hain
So hum bahar per elzam dher k dekhtey hain

Suna hai aaina tamasaal hai jabein oos ka
Jo saada dil hein ban sanwar ke dekhte hain

Suna hai jab se hamaail hein oos ki gardan mein
Mizaaj aor hi laal-o-gauhar ke dekhte hain

Suna hai chashm-e-tasawar se dasht-e-imkaan mein
Palang zavye oos ki kamar ke dekhate hein

Suna hai Is k badan ki tarash aesi hai
Key phool apni qabaen kutter ker dekhtey hain

Wo saroo qad hai magar be-gul-e-muraad nahein
Ke oos shajar pe shugufe samar ke dekhte hein

Bas ek nigaah se lutaataa hai gaafilaa dil kaaa
So rah rawaan-e-tamanna bhi dar ke dekhte hein

Suna hai ooski shabistaan se mutasil hai behshat
Makeen oodhar ke bhi jalwe idhar k dekhte hain

Rukey to gardishen Is ka tawaf karti hain
Chaley to is ko zamaney thehr k dekhtey hain

Kise naseeb ke be-pairahan oose dekhe
Kabhi kabhi dar-o-dewar ghar ke dekhte hein

Kahaniyan hi sahih sab mubalghey hi sahi
Ager woh khaab hai to tabeer kar k dekhtey hain

Ab Is sheher main thehren k kooch ker Jain
Faraz aao sitarey safer k dekhtey hain

Posted by Prince Poetry Subscribe to RSS feed