عشق مِنت کشِ قرار نہیں – Ishq Minnat Kash Qarar Nahi

Published by Prince on Tagged Poetry

عشق مِنت کشِ قرار نہیں
حُسن مجبورِ انتظار نہیں

تیری رنجش کی انتہا معلوم
حسرتوں کا مری شمار نہیں

اپنی نظریں بکھیر دے ساقی
مَے بہ اندازہء خمار نہیں

زیرِ لب ہے ابھی تبسمِ دوست
منتشر جلوہ ء بہار نہیں

اپنی تکمیل کر رہا ہوں‌میں
ورنہ تجھ سے تو مجھکو پیار نہیں

چارہء انتظار کون کرے
تیری نفرت بھی اُستوار نہیں

فیض زندہ رہیں، وہ ہیں تو سہی
کیا ہوا گر وفا شعار نہیں

All Nice Stuff