خدا وہ وقت نہ لائے کہ سوگوار ہو تو- Khuda wo waqat na lai

Published by Prince on Tagged Poetry

خدا وہ وقت نہ لائے کہ سوگوار ہو تو
سکوں کی نیند تجھے بھی حرام ہوجائے
تری مسرتِ پیہم تمام ہو جائے
تری حیات تجھے تلخ جام ہوجائے
غموں سے آئینہء دل گداز ہو تیرا

ہجومِ یاس سے بے تاب ہوکے رہ جائے
وفورِ درد سے سیماب ہو کے رہ جائے
ترا شباب فقط خواب ہو کے رہ جائے

غرورِ حسن سراپا نیاز ہو تیرا

طویل راتوں میں تو بھی قرار کو ترسے
تری نگاہ کسی غمگسار کو ترسے
خزاں رسیدہ تمنا بہار کو ترسے

کوئی جبیں نہ ترے سنتِ آستاں پہ جھکے

کہ جنسِ عز و عقیدت سے تجھ کو شاد کرے
فریبِ وعدہء فردا پہ اعتماد کرے
خدا وہ وقت نہ لائے کہ تجھ کو یاد کرے

وہ دل کہ تیرے لئے بےقرار اب بھی ہے
وہ آنکھ جس کو ترے انتظار اب بھی ہے

(فیض احمد فیض)

Khuda wo waqat na laai ke so gawar ho tu

Sakoon ki neend tujhe bhi haram ho jai
Teri musarat pehum tamam ho jai
Teri hayat tuje talkh jaam ho jai

Gamoon se aina-e-dil gudaz ho tera

Hajoom yaas se be taab ho ke reh jai
Wafood dard se see maab ho ke reh jai
Tera shabab faqat khawab ho ke reh jai

Garoor husan sarap-e-niaz ho tera

Taweel ratoon mein too bhi karar ko tarse
Teri nigah kisi gum gusaar ko terse
Khizaan raseedo tamana-e-bahar ko terse

Koi jabeen na tere sunat-e-Aasmaan pe jhuke

Ke jins izzo aqeedat se tujh ko shad kare
Fareb-e-wada farda pe aitmaad kare
Khuda wo waqat na lai ke tujh ko yaad kare

Wo dil ke tere liye be qarar ab bhi hai
Wo aankh jis ko tera intazaar ab bhi hai
–
Faiz Ahmed Faiz

June 9th, 2008

Subscribe to our RSS feeds!