گمان – Gumaan

Published by Prince on Tagged Poetry

Yeh mumkin to nahi lakin
Chalo yunhi zara hum soch ker dekhein
Samandar ka kinara ho
Saba ne raat ke naam ke mathe pe chupke se
Kisi ka naam likha ho
to uthti moaj wo ek naam parh ke
Muskarai ho
Hamare hath mein wo hath ho
Jis ki lakeeron mein
Koi tara hamare naam ka roshan nahi hota
Wo ankhein
Jin mein jalte aarzoo ke
Her diye ki lo mein ek chehra ubharta hai
(kisi khush bakht hasti ka)
Wo ankhein sirf ek chehre ko dekhein
Aor wo chehra hamara ho
Yeh mumkin to nahi lakin
Chalo younhi zara hum soch ker dekhein

Talab ki arzoo
Harf-e-duwa ban ker
Hamare lab se nikle
Aor poori ho
Hamare damin-e-dil mein
Pade nakamion ke saare sikke
Khun-khana uthein
Nai dulhan ki jaise choorian
Dheere se bajti hein
Yeh mumkin to nahi lakin
Chalo yunhi…!!!

May 6th, 2008

Subscribe to our RSS feeds!