Dastoor Yahan Bhi Goonge Hein

Published by Prince on Tagged Poetry

Dastoor yahan bhi goonge hein ferman yahan bhi andhe hein
Ae dost Khuda ka naam na le Eman yahan bhi andhe hein

Taqdeer ke kaale kambal mein Azmat ke fasaane lipte hein
Mazmoon yahan bhi behre hein unwaan yahan bhi andhe hein

Zordaar tawaqah rakhte hai nadaar ki gaarhi mehnat per
Mazdoor yahan bhi dewane Zeeshan yahan bhi andhe hein

Kuch log bharosa kerte hein Tasbeeh ke chalte danoon per
Be-chain yahan yazdaan ka janoon insaan yahan bhi andhe hein

Be-naam jafa ki rahoon per kuch khaak si urti dekhi hai
Heraan hein diloon ke aaine nadaan yahan bhi andhe hein

Leave a Comment